2018年10月31日 星期三

新店速遞:一鵞 - 黑椒燒鵝/鴨再現



食物:$$$1/2
環境:$$$1/2
服務:$$$1/2

香港曾經短暫出現過黑椒燒鵝/鴨,係澳門過江的陳光記,落戶深水埗,但只玩了半年時間,可謂曇花一現。

到底點解咁快執笠,真係摸不著頭腦,個人唔相信話定價太貴而短短數月便止蝕離場。

近月在深水埗蘇媽蘇媽對面,開了間賣黑椒燒鵝的專門店,據說跟陳光記有關,但我沒有去考究。
   


店子叫一鵞,某天我中午十一點半經過,可能時間尚早,只見小貓三兩隻,決定入去一嚐。


還未找到理由去獎勵自己,所以仍沒點燒鵝髀,只要隻黑椒鴨髀,下庄。

鴨髀固然沒鵝髀濃香,卻仍算皮脆肉嫩,黑椒味慢慢滲出,都是好吃,而且價錢只是鵝髀的一半。伴邊的漬蘿蔔,無疑是爽脆,不過酸味比較薄弱,否則會更加合心。


另外要了鵝底油撈麵,阿姐吩咐要趁熱食,說涼了就不香,服務一欄有分加。粗麵沒有鹼水味,爽身彈牙,但感覺上鵝油香不及陳光記。但係,才廿三個大洋,還跟上一碗湯,無咩投訴了。


沒點飲品,因為杯茶幾好喝,原來是山楂。年紀大了,喜歡上飲茶。

餐牌上仲有一味好想試的,三日醉香鳳珍肝,可惜太飽,吃不下。有機會再試吧!

餐廳資料:
一鵞

6 則留言: