食物：$$$$
環境：$$$1/2
服務：$$$$
荃灣滿樂大廈，曾經有間茶記，主打不是快餐常餐特餐，而係傳統四川風味，間嘢叫肥姐。
之後，肥姐要埋隔離舗，我仲以為佢發大嚟做。點知，轉眼間兩家舖都執晒。
再之後，茶餐廳個位，由小農夫拉麵食屋接手。
本以為是一間港式的拉麵店，年老既我實在太天真了。佢，其實係一家堅持用本地食材的餐廳，豬雞以致蔬菜皆是來自本港，兼且仲有私房菜色供應，不過要五天前預訂。
有心人在這裡設局，小薯蓉既我有幸敬陪末席，機會難得。
菜式名稱都有點心思/
搞笑，先來一道豬斬有火。不難猜，是會點火的豚肉菜色，視覺效果當然不錯。用本地一字排來作食材，入口唔會嚡烚烚，幾好。
然而，我更喜歡醉豬手，豬皮爽口，滲出幽幽酒香，一件唔夠喉。
作為正義既食肉獸，梅菜扣肉我係唔會抗拒的。甘香鬆化的本地豬肉，加埋咸甜度來得恰到好處的梅菜，配碗白飯就認真一流。
之後幾味重頭戲，火焰乳鴿，看身型也不『乳』了，但肉質是相當之嫩滑，有汁。食乳鴿梗係用手食才過癮。
萬料不到蟠龍鱔呢類花時間的菜色竟會在此出現，質感稱不上彈牙，至少唔怕散，而且汁醬調味剛好，忍唔住幫襯多一件。
單尾係紅竹蝦菇麵，以有機啡菇結合麵條而成的菇麵，有點像吃西餐的感覺。紅竹蝦份量非常多，肉質不俗，伴上芝士汁自會惹味可口。
諗諗下，無理由唔試下呢度既拉麵，於是原味與豬骨都要了。撇除麵條有少許鹼水味外，兩款湯底都比預期中出色，吃罷完全沒口渴的感覺。
芒果肉與藍莓，令幼滑的奶凍生色不少。
再喝杯熱的雪耳蘋果水清潤下，是美滿的一夜。
餐廳資料:
小農夫拉麵食屋
估唔到連私房菜都有食！
回覆刪除係喎~
刪除不乳鴿有驚喜！
回覆刪除Yeah~
刪除