食物:$$$1/2
環境:$$$1/2
服務:$$$1/2
筋疲力竭的一夜,搭十五分鐘小巴竟有暈浪作嘔的感覺,到底發生咩事?
胃口是沒有了,碟頭飯、車仔麵、及第粥,通通吃不下,去了十八座狗仔粉求其吃些少嘢便算。
猶記得高峰期的十八座,要排隊排到天昏地暗,但今時唔同往日,這晚只得小貓三幾隻,仲可以揀位坐。
為免『獲利回吐』,還是小試牛刀,食完一樣再一樣。
先來份魚蓉燒賣,辣也不敢加,當然不會期望有什麼驚為天人的味道。不過,幾粒到肚,好似舒服一點。
即管來隻火鴨髀,要下髀。啖啖肉的下髀,口感軟腍,肉質總比上髀好一些。只要熱度足,也不會難食得去邊。記得這裡的火鴨翅是吃得過的,但實在吃不下了。
飲完罐可樂,忽然精神爽利,難怪有人話可樂能醫百病。
沒嚐狗仔粉,無點碗仔翅,枱頭的辣菜甫無用武之地。
餐廳資料:
十八座狗仔粉
荃灣荃興徑3號地下E舖
25638020
我覺得唔關你事,係忘命小巴司機搞成你咁,飲罐汽水,有時真係work架!
回覆刪除我今次只係搭綠Van嘛~
刪除小心身體呀~~~
回覆刪除知道
刪除可樂聖藥
回覆刪除萬歲!
刪除