食物:$$$1/2
環境:$$$$
服務:$$$$
認識筆者既朋友大概知道,我對南洋美食情有獨鍾,所以星馬也是我外遊最多的國家,仲有人誤以為我係嗰邊收埋條女。
以前,香港賣星馬菜系的餐廳不多,更遑論是做得好的,實在寥寥無幾。
近年,終於有些少突破,蘇媽蘇媽與麥金麥金,是較像樣的茶室風味;娘惹嫁到
(已結業)及小娘惹的喇沙算是較對胃口。
據聞馬來亞春色綠野景致艷雅和迷湯的肉骨茶好靠得住,但我仍未有機會吃到,看來要認真plan下幾時去,誰有興趣?
而曾被蔡生評為全港最正,在灣仔蘭杜街的蝦麵店,近日在荃新天地開業,我在它裝修期間已經期盼著。
有說,此店現在已易手,我沒有考究。
先來個鹵麵,可選海鮮或者蝦肉肉片,我挑了後者。麵類一樣可以揀,當然是要摻摻吧!
跟有蛋絲、芽菜、通菜及炸蒜的湯頭,濃稠跟在檳城吃過的差不多。然而,湯糊有欠鮮甜,也沒有五香粉的氣味,比較平凡。肉片與蝦肉的質素尚可,反正當地亦不會用上太高質的蝦。自行來點辣椒醬,成件事會美滿得多。
唔食蝦麵,始終看不到店家的真章。所以,我又專程來吃碗蝦麵。呷口湯,很濃郁的蝦殼味,辣勁非淺,沒有互相搶去對方的功勞。麵底同樣有得揀,我梗係要番摻摻啦!蝦肉跟鹵麵的是同一貨源,無須再多講。我知,配埋肉片才是傳統,不過我較想食貢丸囉。
玻璃杯令我的菜蜜顯得吸引。
餐廳資料:
蝦麵店
邊個咁夠膽話你係嗰邊收埋一條女咁少!!
回覆刪除哼!
刪除第二碗睇落好辣下喎,但又好似比第一碗吸引,嘻嘻!
回覆刪除你說得非常對~
刪除蝦麵吸引呀!比豚王岩feel好多好多!
回覆刪除無錯!
刪除