食物:$$$$
環境:$$$$
服務:$$$$
人生不如意事十常八九,如果樣樣都可以好似呢個店名咁,就好了,那怕是粗鄙一點。
是日要辦的東西終於終於完成,可以輕輕鬆鬆鄧梓峰咁講一句:餃腩店,食碗麵!哈哈~
尚未到繁忙時間,人客不多,不過當我離開的時候,客人魚貫入座,看來也是一間有水準的店子。
很茂李,既沒有點牛腩,也不是吃餃子,我既選擇,係初吻牛脷拼軟滑牛筋飯。
好多朋友唔食牛脷豬脷,話好似同佢哋打茄輪咁,諗起都心寒。我則啋你都傻,好味大過天。
呢度既牛脷做得好,軟腍卻不失口感,我十分喜歡。幾片牛脷,幾件清甜無渣的白蘿蔔,呷口湯,大碗飯一陣子便被我清掉。
牛筋亦真的軟滑,沒有違反商品說明條例,但我始終愛吃牛脷多一些。
飲住杯冰凍既檸檬茶,考量緊什麼時候再來吃番餐牛腩,同埋餃子,試試餃腩店的真章。
結果,不了了之~
餐廳資料:
餃腩店
旺角豉油街88號地舖
23666668
再去再去!
回覆刪除