2018年10月2日 星期二

新店速遞:香港仔周記點心茶餐廳 - 誤打誤撞



食物:$$$1/2
環境:$$$1/2
服務:$$$$

脫毒工程尚未開始,在附近完成手頭上的工作後,時候已不早,一條友隨意找間餐廳醫肚。

漫無目的地走,誤打誤撞來到了這家香港仔周記點心茶餐廳,皆因我忽然想吃些點心。講起來,有一陣子中午沒有飲茶了。

擺明居馬的茶記格局,卻又有點心供應,結果我劃了兩款食物,加杯熱檸茶,當中包括邪惡的流心西多士。
   


點好餐,店員奉上例湯,雖然稱不上順喉舒暢,但免費的就不能要求太多,至少好過一般茶記的例水。


流心西多竟然比燒賣先到,還幸切好影完相後,燒賣亦隨之送上,一口咸一口甜,我是沒有問題的。

蟹籽燒賣皇一籠三粒,隻隻飽滿企身,賣相討好。吃起來是有不少蝦,但味道總不是完滿,大概是差了點點的甘香,吃過舊時既燒賣的朋友,應該會知我講緊咩。


邪惡之西多士,切開後奶皇澎湃地流出,香港人最受呢樣嘢。


新鮮炸起的西多,入口時仍熱燙,一定唔會難食。慶幸奶皇餡不是稀稀的,而是香甜濃郁,起勢咁將微脆內軟的包身,沾滿奶皇,唔差既。


人家準備打烊,先埋左張單,快手飲埋杯熱檸茶,咪阻人埋數收工。

餐廳資料:
香港仔周記點心茶餐廳

4 則留言: