Cafe 100 by The Ritz Carlton - 共醉躺於天空

食物：$$$1/2

環境：$$$$

服務：$$$$

想放鬆的時候，我會選擇去歎個Brunch，這是我個人最隹的減壓方法，或者我自己早已將brunch與假期掛左釣。

家陣做Brunch的餐廳多不勝數，甚至有些日本料理也想來分一杯羹，不過質數參差不齊，要小心選擇，以免浪費了大好的星期天。

這一次，我希望找個有靚景的地方, ICC那些居高臨下的餐廳大概是個很好的Option。

   

101 Sky Dining的幾間餐廳吃過不少遍，反而樓下觀景台的Cafe 100，我卻從來沒試過，不妨去一次，我不介意做半天偽遊客。

當然沒有樓上幾間餐廳咁Proper，隨意很多，喜歡坐散座或是靠窗的吧枱，悉隨尊便。

呢度既Weekend Brunch份量非常充足，率先帶來的頭盤，有鮮奶藍莓芝纖穀脆麵片，又有醒胃的果醬乳酪，同埋新鮮水果杯，忘了多久沒如此健康過。

還不止，仲有我喜歡的Cold Cut，如煙火腿、意式肉腸，以及煙三文魚，伴邊的是薯仔茸與蔬菜沙律。份量唔少，但我竟可全數吞下。再呷口富桃香的Sparkling Wine，是的，我總覺得要看著汽泡在酒杯內緩緩上升，感覺才像吃假日早午餐。

主食三選一，有Brunch必備項目Eggs Benedict、大蝦濶條麵，還有為嚐甜者而設的楓糖漿窩夫配雪糕。朋友試的窩夫，更伴以北海道的夕張蜜味雪糕，我梗係唔客氣偷幾匙來吃，又幾滑幾重蜜瓜味喎！

平日我或許會選班尼特蛋，但近排可能吃得太多雞蛋，想轉轉口味，便挑來香蒜大蝦濶條麵。麵條本身口感尚好，配上龍蝦忌廉汁好濃郁，但都幾飽肚。大蝦的份量，也比我預期中多。

試下唔飲一日咖啡會唔會死！結尾要杯叫Above the cloud的飲品，感覺在高聳入雲的ICC喝這個會更入型入格。

棉花糖、薑、薄荷及梳打組合而成，薑味來我幾出眾，蠻合心意。

來一杯清風，並醉躺於天空......心裡不其然的哼起來~~

餐廳資料:
Cafe 100 by The Ritz Carlton
尖沙咀柯士甸道西1號環球貿易廣場(ICC)100樓天際100香港觀景台
22632356