2018年8月3日 星期五

海外篇:老李排骨湯 - 又一間幾十年歷史的小店



食物:$$$1/2
環境:$$$
服務:$$$$

去到高雄,不論是當地人介紹,抑或是自己上網搵,都是以地道小吃為主,包括呢間,老李排骨湯。

據知,呢度又是一間年紀比我更大的老店。

在外地,上幾十年歷史,甚至由第二、三代接手經營的老店隨處可見,不像香港,十多年已經好巴閉好難得。

距我下榻的酒店不遠,按谷歌大神指示,步行過去大約十分鐘左右。許多人可能認為步行十分鐘會熱死累死,寧可搭小黃或者Uber,但對於行慣既我,是絕對沒有問題。

我總覺得,要拿著地圖去搵食,才有意思。
   


十來分鐘,好快就到。門口一盆又一盆鹵得黑漆漆的酥炸排骨,似乎幾對辦,而且每枱客(當地人)都點上一碗,相信靠得住。


二話不說要碗排骨酥湯,再加份油豆腐,同埋貢丸。


小排確實是軟嫩,基本上入口不用咬已經化開,而且醃得入味。湯頭就不是想像中的醇和,帶有少許麻油香,感覺像在茶記吃公仔麵的湯底。


貢丸質素正常吧,我吃貢丸,反而更注重咬口。


油豆腐,皮塋韌而內嫩滑,同樣是鹵得好入味,我竟然想再多來一舊?!


若不是要留肚吃其他店,飲水果茶,我或會再來一碗肉燥飯。

喜歡台灣的小店,店主/員個個有禮貌,笑容滿面,富人情味。或者佢哋既壓力,真沒香港那麼大。

餐廳資料:
老李排骨湯
台灣高雄市新興區大同一路149號
(886)932742401

6 則留言: