Artisan Room - 美食與藝術

食物：$$$$

環境：$$$$

服務：$$$$

預訂了在Cobo House食晚餐。我們早到了，附近無地方可以逛，索性在隔壁的Artisan Room飲杯嘢。

其實，上次同朋友食完Lunch，已經想嚟這裡歎件漂亮如藝術品的Bavarois Ring,可惜當時來遲一步，兩款口味的＂戒子＂均已售罄。

走到餅櫃跟前，眾多美輪美奐的蛋糕紛陳，也喜見兩款Bavarois Ring仍然有貨,太感動。

   

是日樓上有event，唔可以坐上去，外面露天位置原本幾好hea，只是天氣實在太熱，還是坐番入去比較舒服。

不作他選，就要兩件唔同口味的Bavarois Ring，大家分吃。紅色的是士多啤梨，黃色的則是芒果與西柚味。兩款的面層均是啫喱狀，藏有果肉及食用花，底下係奶凍，前者清新可口，亦沒有過甜。

不過，我更喜歡後者，純粹是個人口味，對芒果情有獨鍾，再結合西柚的酸，成件事好醒胃。

飲品方面，原本想要Summer in LØV & Stone Fruits ，應該是又靚又好飲。可是，我要留力食晚餐，沙冰未免太過飽肚。

所以，我們分別點了Pu-erh & Forest Berries Cold Brew Iced Tea ，與及Longon Sparkling，兩款都解渴，不過我會喜歡龍眼多些少。

時間差不多，可以過隔離吃晚飯。打完底再食正餐，諗番起都覺得有點誇張。

餐廳資料:
Artisan Room
西環石塘嘴南里8-12號地舖
26563198