Little Vegas - 氣氛搭夠

食物：$$$1/2

環境：$$$$

服務：$$$$

老銅的耀華街，早已成為一條小食街，其中的商廈百樂中心，實質是一幢食廈，筆者也上過幾間餐廳覓食。

今次朋友約食的Little Vegas，咁岩我是沒嚐過。

呢個店名，大概是吃美式嘢吧，咁雞翼一定唔少得，那管佢是否Buffalo Wings。

    

官方名字是耐人尋味，吃起來就是蜜糖加玫瑰的味道，勝在外在脆口不硬，肉嫩可口，蠻不錯的。

作為食肉獸，梗係又要食Spare Ribs，又要食羊架喇，燒排骨鬆化，唔怕太乾太嚡，羊架不韌，但無味羊本身的羶香個性，伴邊的薯角，同樣搶手。

朋友想吃點粉，又來了客明太子天使麵，賣相雖不甚討好，但微辣的明太子是我的至愛。其實呢度既天使麵是爽口，水準唔差，只係我一向對天使麵無乜好感，個人口味問題而已。

甜品挑了朱古力三重奏，味道雖合格，可惜朱古力雪糕太死實，影響了整體評分。

水果茶巨型到呢，應該大杯過我個頭，不太甜，卻不失應有茶香，配合各式水果，感覺更豐足，抵讚。

週一的晚上也座無虛席，水準可見一斑。

餐廳資料:
Little Vegas
銅鑼灣耀華街3號百樂中心25樓
26222369