食物：$$$
環境：$$$
服務：$$$$
呢個鋪位，餐廳轉完一間又一間，無一家做得長久，絕對是個死位。
其實，對上的川菜小館已算頂得耐，大概有三兩年，可惜最終都係捱唔住。
換來了這家泰棧鬼海南雞飯，我要趁早幫襯，唔知佢會唔會好快又玩完。
雖然我咁講係好衰，但我去了兩天食晚飯，均只是小貓三兩隻，希望只是客人未知有新店而已。
第一次來，吃了海南雞飯，跟餐有個湯送，紫菜味很濃，還算不俗，唔通真係有驚喜？
海南雞睇賣相已知麻麻，油飯唔夠香，雞肉有欠滑溜，沒有三色醬，只剩泰式醬汁獨擔大旗，自然不能滿足到我。
另一次嚐了泰式豬髀湯河，河粉相對比油飯好，豬髀幾惹味，但瘦的部份仍未算十分鬆化，但都可以接受了。
加兩錢就有熱飲，即管來杯熱檸檬茶，消下滯。
或者，人哋晏晝有啲生意呢，唔好睇到咁灰。
我仲未食過附近個間好出名既海南雞飯，無得比較。
餐廳資料:
泰棧鬼
咁你下次lunch又去試下吖！
回覆刪除哈哈~
刪除見你回頭幫襯還以為好得！
回覆刪除誤會左
刪除