2018年1月5日 星期五

The Place - 中國八大名菜自助餐


食物:$$$1/2
環境:$$$$
服務:$$$$

二零一八年一開波,就與朋友們繼續食食食,目的地是最方便就腳的Cordis Hotel,吃自助餐去。

新一年有新主題,是正常不過的事,今期既主題,係中國八大名菜。

實不相瞞,去過咁多間酒店食過咁多次自助餐,什麼鮑魚燕窩和牛等名貴食材作主題,抑或是英國日本等地作主題的,統統都試過,唯獨是中國八大名菜作主打,真是聞所未聞。對於一個喜歡吃中菜的人而言,我是期待的。
     


照個人習慣,食八大名菜之前,先吃些長期有供應的項目,包括凍海鮮。生蠔依舊是即開的,自當成為搶手貨澳大利亞與美國兩款,任均選擇。另外,青口、小龍蝦、蟹腳等,大致新鮮,五星級酒店的水準,是穩定的。



甘香美味的煎鵝肝,我是怎樣也不是走漏的,愈邪惡愈快樂。



一系列的冷盤,如雞絲粉皮、涼拌木耳、麻香菇芹、花雕醉雞、手拍黃瓜等,有助醒胃,個人最喜歡的是雞絲粉皮,專挑多麻醬。



焗龍蝦其實也算是長期供應的食物,今次有點微調,師傅將花椒粉加入去芝士焗龍蝦,吃起來除了芝香外,更滲出點點麻香,帶出四川風情,卻又不算太麻太辣,大眾也可接受到。



北京填鴨大概不是八大名菜之一,卻是廣受歡迎的食物,鬼佬欣賞,我更喜歡。即使大量美食當前,我也嚐了兩件。



熱葷款式多,燒絕對是廣東菜的代表,另外仲有菊花蛇羹,暖暖身。四川佳麗係魚香肉絲其香氣令為我受樂。蘇州菜有酸酸甜甜很醒胃的醬排骨,同埋砂鍋雲吞雞。仲有魯菜既選手,蔥爆羊肉,等等。



是日燉湯,以徽菜為主角,黃山燉鴿,喝得舒暢。



好奇怪,吃甜品之前,忽然想食幾件壽司,當然壽司與刺身是不可或缺的長期供應項目。



呢度既鬼馬甜品,造型從來栩栩如生,今次都唔例外,四川辣魚查實是濃郁可口的芝麻蛋糕,幾可亂真的鮑魚海蔘煲,乃焦糖咖啡蛋糕很不錯。




還有一系列傳統的甜品,包括糖不甩、椰汁桂花糕、紅豆啫喱、開心果蛋糕等,再一次令我飽到上心口。

餐廳資料:
The Place

4 則留言: