2018年1月4日 星期四

新店速遞:大丈夫食堂 - 平民和食


食物:$$$1/2
環境:$$$1/2
服務:$$$1/2

聖誕新年長假期,身邊不少朋友外出旅行,最熱門既地方肯定係日本,見佢哋在Fb post林林總總的日本美食相片,羨不已隔住個Mon都已經口水流。

今年我選擇不出埠,留港消費,打波是其中的一個節目,開波前先吃午餐,早已成為習慣。

繼續是在長沙灣找吃,方便之後打波,發現母校附近新開了一間平民的日本料理食堂,無得去日本都食番餐日本嘢啦~
     


波友與我分別點了壽司烏冬定食,及蒜香醬漬三文魚丼,跟餐會配上沙律和茶碗蒸,我的那份更有埋麵豉湯。

沙律份唔細菜蔬至少感覺新鮮,麵豉湯喝下去沒有嗆喉的感覺,才六十八蚊的定食,收貨了。



茶碗蒸是熱度十足,內含不少菇粒及蟹柳粒,可是味道很淡口,走健康路線嗎?



對方的壽司烏冬定食,烏冬我就沒試了,五件壽司,我嚐了一件玉子的,用料沒問題,飯糰是死實了一點,但可以接受。



我的主食也來了,三文魚片及漬過的三文魚粒各鋪著半碗飯,感覺豐盛。三文魚片可以,但個人更喜歡漬過的三文魚粒,更入味更好下飯。呢個價錢,真係無咩好投訴。



汽水是支裝,原想飲可樂,店員話唔夠凍,建議轉飲雪碧,是但啦!

轉眼間,聖誕及新曆新年假期又過去~


餐廳資料:
大丈夫食堂

6 則留言: