海外篇：Grande Centre Point Terminal 21 早餐篇~

原本打算唔寫酒店早餐，不過近期身邊不少朋友都在談論曼谷旅遊攻略，有些人想搜集多些資料，那我又跟大家分享下。

上次我入住的是Grande Centre Point Terminal 21，地點於BTS ASOK及MRT Sukhumvit站的交叉口，交通超便利。酒店房間及設施已介紹過(可按此參考)，而我天天也留在酒店吃早餐的，既然包埋，多多少少都食啲啦！

呢度酒店既早餐正正常常，當然唔可以與史上最強的星洲麗斯卡爾頓酒店比較，因為Ritz Carlton是癲的（可參考）。

泰國天氣長年炎熱，晨早流流吃些Cold Cut, 燻鴨胸、煙三文魚等冷盤也不是問題。上星期香港好冷凍，真心想去星馬泰避一避寒。

西式早點有專人即場製作，至少保証夠熱，炒蛋、煙肉同腸仔丫唔該。

熱葷對我來說其實不太吸引，隨手拿點炸雞和Phad Thai便是。估唔到佢個Phad Thai都又香又辣，幾好食。

可能天氣太熱，總想吃些濕濕地既嘢，來碗河粉，豬肉、豬潤、雞蛋等咩都要啲吧～

去到泰國，點都唔可以缺少芒果糯米飯，即使是酒店早餐的出品，已比香港的好吃十倍。

佢有好多麵包供應，有中式又有西式，坦白說早式毫不吸引，反而西式的牛角酥唔錯，藍莓及草菸酥來得酥香甜美。

熱香餅乃自助形式，有得玩有得食，但為了留肚再出去搏命食，我要放棄了。

星馬的酒店早餐皆是滿載新鮮水果，我喜歡！

酒店資料:

Grande Centre Point Terminal 21

2,88 Sukhumvit Soi19 (Wattana), Sukhumvit Rd., North Khlong Toei, Wattana, Bangkok 10110, Thailand

(66) 2 681 9000