2018年1月2日 星期二

新店速遞:麻神 - 最正既鴨血


食物:$$$$
環境:$$$$
服務:$$$

是的,我們又去了打邊邊,仲要係麻辣嗰隻,都講過,去滾是會一呼百應的。

今次所吃的,並不是四川或重慶麻辣鍋,而是台式的,叫麻神。

麻神,名字好架勢,其實在台灣也真是很出名的,即便香港店仍在試業階段,已吸引不少食客慕名而來,當中不乏名人明星,像這晚,我們便遇上了銅鑼灣揸Fit人,陳浩南。

店子選在老銅開業,當然要有揸Fit人射住啦,哈哈~

我嗰年代,真是睇古惑仔大的,從人在江湖到勝者為王,全部睇過幾遍加上一系列電影的歌曲,都是陪著我成長。不過,我並沒有因此而走埋去叫佢一聲南哥。
    


話題扯遠了,講埋是晚的火鍋,開了兩個鴛鴦鍋,始終烚蔬菜,仍是清湯會比較合適。聽聞呢度既麻辣湯可以直接飲用,試了一點,的確麻而不太辣,沒一陣油既感覺,少試無妨。



個人認為,食台式的麻辣火鍋,最最最重要的配料不是牛肉,而是鴨血。呢度既鴨血據聞由台灣總部嚴選,建議用刀叉食。刀叉切開時已感覺到其煙韌質感,吃起來嫩滑而沒有散,而且夠香,是我在香港嚐過最出色的鴨血。



始終,香港人打邊邊是不能沒有牛,什麼牛小排、板肉、牛頸脊及和牛,統統唔放過。和牛固然美味,但個人更欣賞油花分佈均勻的牛頸脊,入口軟滑,多一份脂香。



西班牙黑毛豬同樣嫩滑可口,不吃牛的朋友,仍可以有好嘢食。



海鮮有扇貝、海蝦、鮑魚等等,大致新鮮,不過我從來覺得,海鮮與麻辣鍋,並不是天生一對。



丸子是手打,似乎也是必然。蝦丸、墨丸、梅菜豬肉丸及鯪魚丸細細粒,口感卻彈牙,唔錯。



響鈴是自家炸,水準自當比現成貨高,輕輕燙一燙,保留點點香脆口感,才是最美味。



是晚除了鴨血,個人最喜歡的是韭菜餃。當然是自家包製,賣相雖未算太吸引,卻屬實而不華之作,皮薄且韭菜十分香口,我竟吞下了三隻。



手功窩筍片和蘿蔔片,以及蔬菜籃,還是放清湯那邊滾會好一些。



食物是不俗的,但始仍是太新上菜及服有點混亂,希望盡快可以上軌道。




餐廳資料:
麻神
銅鑼灣登龍街1號金朝陽中心2期25樓

5 則留言: