2018年1月10日 星期三

滿載笑聲聖誕夜


回一回帶,講番聖誕節的幾天假期,唔知大家有咩節目呢?

出左埠旅行,玩盡日韓星馬泰?同朋友開Party大吃大喝?返教會唱聖詩還是宅在家煲劇?

廿四號的子夜彌撒我定必參與,聖誕當日我都去左朋友度開爬地,說過無數遍,聖誕是我全年最喜歡的節日,可惜轉眼已經過左。

今年屋主大顯身手,炮製美食,加上大家的外來物資,又是一個飽得捧著肚子離開的晚上。
    


Party要有菠蘿腸仔,不過我哋就寧舍講究,原個新鮮菠蘿自已開,加埋各式各樣的靚腸,令菠蘿腸仔迷大感滿足。自家沙律,蔬菜固然新鮮,仲有大量的車厘茄及粟米粒,加埋日式胡麻醬真好味。醃三文魚是從楓葉國運來,還有外賣的壽司與豬手,最最最不得了是主人家弄的斧頭扒,火侯控制恰到好處,肉質鬆化,岩晒我呢個食肉獸。



甜品有三件La Famille的蛋糕,分別是日本柚子、玫瑰,以及抹茶口味。抹茶依然是排榜末,個人最喜歡是日本柚子,感覺清新。另外,有人帶了超大個的Panettone來,呢款意大利甜點,真不知多少年沒嚐過。



以往聚會,不外乎是狂飲啤酒汽水,如今真的老了,果汁與酒都沒有人吼,反而個個衝著飲茶,OR TeaTea WG成為了大家摯愛。



食下傾下睇下You Tube,還俾我認識到馬來西亞最紅的You Tuber,哈哈哈~

最後更是朋友自家製的曲奇,真開心!過年一於再聚!



4 則留言:

  1. 個個衝著飲茶>>唔通個個都想飲茶咩,嘻嘻!

    回覆刪除
  2. 馬來西亞最紅的You Tuber -> 邊個呀?講咩架?我暑假可能再去馬拉呢

    回覆刪除
    回覆
    1. 好傳奇既人物呀, 下次見到你話你知丫

      刪除