食物：$$$1/2
環境：$$$$
服務：$$$1/2
天際萬豪酒店的聖誕派對結束後，曲終人未散，因為我們早已打算為朋友生，所以之後直接去Skycity Bistro食自助餐。
實不相瞞，酒店的中菜廳吃過無數次，Buffet卻是未沒見識過，原來呢度食物款式一啲都唔輸蝕。
以沙律菜開始是很多朋友的習慣，呢度沙律配料款式唔少，而且酒店級數的出品自當新鮮，不過我還是要留力其他食品。
凍海鮮是我們的主攻項目之一，尤以鮮美的即開生蠔為甚。其實還有凍蝦、小龍蝦、蟹腳、翡翠螺及青口等，基本款式一應俱全。
不過講到吸引，還不及刺身壽司的欄位。很多時吃自助餐，我會Skip，不過呢度既牡丹蝦刺身，又大隻又鮮甜，吃一隻是不會夠喉的。
其餘的刺身，有三文魚、吞拿魚、八爪魚等等，有人拿了一大碟回來齊齊分享，份量很誇張。當中的厚切三文魚，是我較歡喜的，反而吞拿魚只一般般。
食左咁多刺身，壽司真的要Skip了，否則無辦法再吃別的食物。
熱葷方面，牛柳粒來得鬆化，蒸魚不是原條放出來，被人搶至甩頭甩骨的樣子，而是起了肉讓大家吃得更方便。另外仲有燒味，同埋點心，與朋友分了隻糯米雞吃。
印度嘢也做得正宗，皆因有印藉師傅坐陣。
有朋友唔食過粉麵總係唔會心息，今次也不例外，此舉我只能表示欽佩，無力參與其中。
甜品的朱古力噴泉及哈根大師雪糕固然吸引，估唔到佢既楊枝甘露又是非常討喜，再飽都要來少許。
最後再食埋我哋為壽星女準備既生日蛋糕，大家傾到餐廳打烊都唔捨得離開。
希望下次再見面，不是一年後的聖誕Party～
餐廳資料:
Skycity Bistro
牡丹蝦刺身好正呀，不如留一隻俾我吖，嘻嘻！
回覆刪除一隻邊夠
刪除牡丹蝦堅正！
回覆刪除口水流
刪除我反而好掛住楊枝甘露呀，食完泰菜好想整返碗
回覆刪除再去探佢地啦 XDD
刪除