Tonkichi - 熱氣? 怕什麼！

食物：$$$1/2

環境：$$$1/2

服務：$$$$

老媽子有節目，又係我同老豆撐枱腳既時候。與其經常逗留在荃灣找吃，倒不如帶佢去元朗Yoho Mall (其實使鬼我帶咩！)走一轉。沒特定的心水餐廳，到時想食咩就食咩。

在商場行左個圈，始終是星期天，許多食肆都要等位。老豆還是對吉豬有情意結，建議去丼吉，我當然無所謂。

    

雖然有滑蛋豬扒飯，也有牛肉烏冬等供應，但都係食番吉豬比較正路吧～老豆提議來一個二人份的套餐，是吉列豬扒拼豬柳。費事諗咁多，就這樣決定。

落單後，店員馬上奉上芝麻碗，將碗內的芝士摏碎，再加入豬扒汁，為之後品嚐吉列作好準備。

套餐的麵豉湯及漬物亦隨之而來，表現不過不失。

主角的吉列豬扒及豬柳亦要上場，兩款均炸至外層香脆，但味道其實是偏淡口，要靠豬扒汁或芥末來調味。個人比較喜歡豬柳，因質感更為鬆化，老豆反而主攻豬扒。

吉豬加埋個醬汁，配白飯其實不錯，一不小心便整碗飯清掉。

吃太多肉真的飽肚，置中的椰菜絲，加入清爽的柚子汁後變得醒胃，吃多些感覺無咁膩。

套餐加十個大洋可有基本飲品，既然如此，來杯凍檸檬茶吧～

最後奉送幾粒西瓜，多汁卻有欠清甜，還好夠冰凍。此外，店員服務都唔錯，吃水果時會換過杯熱茶給我們。

餐廳資料:

Tonkichi

元朗元龍街9號形點一期1樓1078號舖

25570308