2017年11月3日 星期五

新店速遞:FUMI - 延續美味


食物:$$$$
環境:$$$$
服務:$$$$

蘭桂芳地膽朋友約食飯,幾歹奉陪到底。地點係加州大廈六樓的FUMI

上網瞄一瞄,咦,原來係新嘢喎!

唔理咁多,乖乖準時到達便是。

上去到,總覺得個場熟口熟面咁,向朋友求證,果然是俺之割烹的前址,還記得數月前才在此嚐過美味的盛宴(可按此重溫)

無謂煩太多是晚吃以宮崎作主題的Tasting Menu。宮崎牛肉好嘢大家應該好清楚,宮崎雞亦然,仲有好多好多別的……
    


三款前菜精緻地放埋一碟,蘿蔔絲與竹筍爽口美味,日式椎茸軟腍入味,份量小小作為開端正好。



刺身擺盤精美是意料之內,立魚及鰤魚兩款白身魚爽口,中拖羅脂香溢出口感仍不錯,請不要忘記在旁的車厘茄,是來自宮崎,清甜多汁,可以獨當一面。



我喜歡的肉類要排隊登場了,率先有宮崎慢煮豬腩肉,口感彈牙有點點像叉燒,略略偏肥,正中我下懷配些少柚皮剛好中和腩肉的肥感。配角之芋頭,粉嫩入味,唔可以錯過。



宮崎雞我當然知道是好東西,燒至皮香而肉嫩,灑一點青檸汁,醮少許藍莓鹽,妙極。



千呼萬喚,主角之宮崎牛終於隆重登場。留心坐穩戰機要開,發射會在數十秒內……西冷牛配壽司燒汁,吃時沾些日本溫泉蛋汁,入口幾近溶化,溫泉蛋汁味濃,卻又沒蓋過肉香,精彩!配菜的豆腐、車厘茄及金針菇等亦有水準,為何這裡的配角全部都咁鬼正架?!



釜飯以宮崎雞及栗子作主導,米飯夠香夠熱,飯焦自然更吸引,雞粒好吃不在話下,鬆化的栗子更是真正的驚喜。



簡單以日本木瓜作結,已很滿足。不過建議木瓜可先切開,讓客人吃得方便些。


加州大廈六樓呢個地方,轉了名字,但美味不變。

餐廳資料:
FUMI

6 則留言: