IKEA - 宜家。返荃灣

食物：$$$1/2

環境：$$$

服務：$$$1/2

年紀有番咁上下的荃灣朋友，應該會知道Ikea，當年在荃灣廣場，筆者偶爾也會去閒逛下，啪幾粒肉丸。

忽然一天，Ikea絕跡於荃灣。我對此沒感到太可惜，如果真係要行既，去沙田、九龍灣和老銅，都好方便。

老實說，近呢十年八載，我去宜家既次數，五隻手指數得晒。

N年後，宜家回歸荃灣，落戶中染大廈，網上看見一些留言，又話千喚萬喚，又話荃灣人集體回憶，云云。個人對Ikea卻無咩情意結，不過開得近我屋企，找個空閒日子去睇下，未嚐不可。

    

還是先吃後逛吧，睇睇有咩食先！雪櫃的芝士餅未見吸引，放棄罷。買了一份小食拼盤，一隻豬手，去收銀處付款。

肯定不會期望食物有多出色，至少雞柳唔會太乾，蜜糖腸的腸衣沒有很韌，蔬菜薯餅味道也正正常常，最好食其實只是粟米粒，哈哈哈。畢竟呢個小食拼盤只售三十九蚊，仲想點。

酥炸咸豬手，份量都算係咁。豬手皮雖不太酥脆，起碼唔韌，肉很厚仍嫩。咸豬手還配上烚薯仔及酸菜，交足功課。

不論咖啡或汽水，只是七個大洋，而且是無限添飲的，多划算。

下次來，是重溫肉丸的時候～

餐廳資料:

Ikea

荃灣青山公路388號8咪半3樓

31250888