2017年11月21日 星期二

Brasserie on the Eighth - 客廚露兩手


食物:$$$1/2
環境:$$$$
服務:$$$1/2

作為一個老饕,固然希望吃盡所有好東西,每逢有客席名廚來港獻技,肯肯定不可以錯過吧!

港麗酒店的Brasserie on the Eighth,近日邀來澳洲名廚Luke Mangan來港露兩手,得知呢個消息,馬上與朋友前去大快朵頣。

不喜歡與人迫既我們,選擇正午十二點便到來,可以寧靜點。
     


Welcome Drink係小小的磨菇湯,夠濃香,我準備就緒了~



為試更多的款式挑了兩款不同的頭盤,大家分吃。先是豬腩肉,雖然偏瘦,但入口唔會韌,配以茴香、魷魚及青檸等,頗有中式的味道。



另一款頭盤係鰺魚刺身,材料新鮮是理所當然,喜歡佢巧混入紫薑茸、乾蔥汁和忌廉芝士,是整件事提升至更高層次。



四條友,正好試勻全部的主菜,其中煎符得皮香的三文魚是來自他鄉的塔斯曼尼亞,但個人始不太中意熟的三文魚。反而頂頭的帶子雲吞,外型是意大利雲吞,味道卻是很中式,有趣。



鴨胸火侯控制得唔錯,唔怕嚡烚烚,看來醬汁的運用是Luke Mangan團隊的殺手鐧,配鴨胸的楓糖醬與薰衣草汁,蠻特別。別以為在旁軟滑可口的東西是薯茸,其實是杏仁茸才對。



還有和牛西冷,同樣來得鬆化,個人非常喜歡佢既砵酒汁,將整塊西冷昇華至一境界,連同炸脆的黑煎片同吃,是全日我最欣賞的菜色。



珠玉在前,加上已飽了大半香烤羊架頓時變得平庸。其實佢又唔係差既,至少鬆化,保持應有但不太濃的羶香,但我始終是牛的忠粉了吧~



甜品的甘草蘋果甜點,以玻璃杯盛起,感覺高貴。蘋果與甘草味來得很複雜,我好似駕馭不了它,哈哈哈~




呷口熱檸檬茶,嗒粒精緻的Petit fours,再跟朋友們風花說月一番,請大家不要去羨慕,不要去妒嫉……


餐廳資料:
Brasserie on the Eighth

3 則留言: