2017年11月4日 星期六

黃大仙鐵皮屋 - 那些年


食物:$$$
環境:$$$1/2
服務:$$$$

多年前,阿嫲曾入過聖母醫一段短時間,當年我每晚收工都會去探佢。

從黃大仙地鐵站步行去醫院,沿途定必經過些鐵皮屋(綠色小巴站旁),我多數會買串魚蛋或者牛什等過下口癮。幾檔我都幫襯過,印象中,沒那一檔是特別給比下去,不過已是咸豐年前的事。

經過那些年,今天跟行家在黃大仙傾完嘢,忽然想去回味下,坐然要起行。
    


真的是隨便走進一間,應該是比較光猛企理的一家,但店名我實在不知道。



人人都食車仔麵,唔通我又一定要食車仔麵咩!反而想吃豬腸粉及燒賣,各要了乙份。雖然明知是來貨,但腸粉確是不滑溜,三色醬只彌補了少許不足。深水埗合益泰都係來貨呀,但滑得多了。燒賣則正正常常。



好似唔多夠喉,又想食牛什,一份五十五個大洋,一串就十三蚊,要一串便夠。



牛肺口感軟腴,可惜牛肚太韌而言感不復當年勇。要數最邪惡的,一定是牛腸,看那中芯的肥羔,食完好可能會爆血管,嚇得我拿起相機影相都手震。




飲埋罐可樂,叫做回味過昔日時光便算。人要向前行的。好似係,除非唔係。

食肆資料:
黃大仙鐵皮屋
大仙沙田㘭道綠色小巴站旁

5 則留言: