新店速遞：星洲總廚 - 可惜無得加湯

食物：$$$1/2

環境：$$$$

服務：$$$1/2

近排，筆者再度迷上星馬菜，海南雞飯、肉骨茶、喇沙、檳城蝦麵乜乜乜，統統都想吃，都是拜蘇媽蘇媽所賜吧。所以，當得知大角咀開設了星洲總廚，即刻要去會下佢。

   

咪以為位處後街的大全街，生意會麻麻，只是我好彩早來一步，遲五分鐘到已經座無虛席，期後更開始大排長龍。

餐廳裝修平實，只簡單掛上幾幅畫及獅城小擺設，已光猛企理。

呢樣又想食，嗰樣又想食，好不容易才決定要肉骨茶。急不及待先呷口湯，熱度充足，以當歸味為主導，合格卻不是頂級。還有一點是唔會免費加湯，其實一碗湯真的不夠啦，建議店方可以慷慨些吧～

個人最喜歡的一字排，容易離骨，肉質卻可更鬆化。不過，下一點蒜茸辣椒及黑醬油同吃，仍是美味。

除了有白飯配肉骨茶外，跟餐還附上四粒咁多的油炸鬼，這與肉骨茶根本就是天作之合。都係果句，真係唔夠湯囉。

套餐同時跟上一碟油菜，是日為西生菜，感覺健康一點。

要了杯凍的白咖啡，感覺總是比較甜，好彩我是甜魔。

餐廳資料:

星洲總廚

大角咀大全街57號地下

35903326