Instagram

2017年8月6日 星期日

荔園茶餐廳 - 開心,真係咁簡單?


食物:$$$1/2
環境:$$$1/2
服務:$$$$

人人都說荔園充滿童年回憶,唔通人人都有荔園既童年回憶咩!雖則,我肯肯定入過場玩過,但印象卻是十分之模糊,可能當時年紀大少了吧~

前年荔園好像搞了個「一次性」的遊樂園,讓些好似我等有番咁上下年紀的朋友,可以回味下,可惜我亦抽不了空入場感受氣氛。

這次,當荔園化身成茶餐廳,我就有點興趣,看看能否在這裡尋回兒時的簡單快樂?!

快樂,真係咁簡單?
     


餐廳以簡約的白色為主調,抬頭會望到「旋轉木馬」,桌面是「擲銀仔遊戲」的階磚,還掛上以前樂園的地圖,設計師是用盡全力企圖將荔園的一切帶給大家。



然而,我最關心的,還是食物。吃之前來點喝的,餐牌中的鮮菠蘿冰很有趣,有得玩有得飲,確是有點心思。



在我而言,荔園的特色小食之一,應該會是炸髀。雞髀十分巨大,雖不是生炸,但也是剛炸起,皮脆肉嫩有汁,好味道。配的是西式的沙律菜,如果可以換上蘋果呀菠蘿呀薯仔呀個類港式沙律,必更回味。



咖喱是大人嘢,兒時即使入過樂園,應該也未曾吃過那裡的咖喱。這份出品,咖喱辣勁不弱,浸在咖喱汁內的薯仔是亮點。雞扒香口,沒有乾巴巴,呢個咖喱飯有驚喜。



以前的荔園真有糯米雞嗎?不是茶樓飲茶個隻,而是糯米釀入春雞內的那款。其實雞肉也嫩,能在茶記吃到此味,真係估佢唔到。



魚柳焗飯,出來是香噴噴,味道正常,重點是鋪面的魚柳很巨型,友人笑稱是鯊魚柳焗飯。



甜的叫了兩款西多,分別是較有特色既溫泉蛋焦糖西多,同埋粒粒西多,兩者不相伯仲,打和啦!



個人覺得呢間茶記幾好,食物唔錯之餘,價錢又唔會貴得過連鎖茶餐廳。




餐廳資料:
荔園茶餐廳

4 則留言: