2017年8月5日 星期六

做一夜上流人士~


今晚阿Sir請食飯,隨便坐!

是晚用餐的地方,在Openrice唔會找到,簡單點說,就是不對外開放的啦~

單是睇環境,已經知道這就是「腦細」宴客的地方,無得無能既我,可以敬陪末席,深感榮幸。

食物方面當然是預先安排好,都是主人家嚐過多次認為是最合心的,呢層從沒擔心過。
      


以黃金蝦餃作熱身,餡料除了蝦,還有蟹肉與松露醬,因此豐滿得來亦很香,再黃袍加身,倍添貴氣。友人稱美得不捨得吃,其實我可以食埋佢個粒。



頭盤三味,以一只長碟作盛器。脆豆腐炸至外脆內嫩;溏心蛋是稍為熟了點,欠缺溏心效果,但有一攝黑魚子作補救;泡辣鮑魚,鮑魚已切開一片片,再放回殼上,方便進食。辣勁不強勁,點到即止,鮑魚軟腍。



宴客菜單,一定不會漏了湯品,這晚選來魚雲羹。以火熱著,保持溫度,需知魚雲涼了有可能腥,這做法很恰當。魚雲羹濃稠得宜,下了大量薑絲,還有陳皮,因而喝起來沒半點腥味,蠻不錯。



之後的宮爆蝦球,是賣相比味道辣的一款。辣椒花椒粒帶出火紅感覺,吃起來蝦玻爽口,只有點點麻香。



繼續是香口嘢,金沙本身邪惡既東西,配襯南瓜,會否變得健康?好似有點自欺欺人,總之好吃就是。海山骨鬆化,反而有點太肥。



蛋白混入大量鮮蟹肉,來配露筍,是我喜歡的組合,清碟無難度。



單尾是泥鯭粥拼豉油皇炒麵,真合我意。真忘了多少年沒吃過此品了。泥鯭粥加入陳皮是重點,炒麵亦弄得香口軟熟。



是夜的甜點亦不乏陳皮,誠為陳皮燉雪梨,不用多說,是相當清潤,甜度也沒有過了頭。



講下笑下八下食下鮮果杯,不經不覺又是十一點了,好在是快樂星期五喇!




沒飲竹葉青,只喝了廿年陳皮普洱,同埋紅酒~

6 則留言:

  1. 火炭? 食物賣相真係幾 wow~
    Btw,你不嬲都係高層人士啦

    回覆刪除
  2. 阿sir請食飯果然準時,睇你影到第一張相就知。;P

    回覆刪除