2017年6月2日 星期五

焸—帝王蟹海鮮火鍋專門店 - 夏天打邊邊


食物:$$$1/2
環境:$$$$
服務:$$$

我,是徹頭徹尾的邊爐精。一年四季不論冷熱可以打邊邊,一日吃超過一次火鍋不成問題,兩條友食嘢,明明唔食得幾多,仍夠膽死去打邊爐的。

正因為喜愛火鍋,又不喜歡重複吃同一店子的緣故,每當知道有新的火鍋店,總會有興趣去試,那管店子在天腳底咁遠。

近日光顧的火鍋店,叫焸帝王蟹海鮮火鍋專門店,在將軍激新樓The Parkside, 位置頗吊腳的。

仲有,到底字,係點樣讀?

以火鍋店來說,地方不大但裝修雅緻。其實,除左打邊爐外,店子更有些小炒供應,以川味小炒為主,愛麻辣的朋友要留意了。
    


一心來吃火鍋&,所以即使有川菜供應,也只得留待下次。點了湯底後,也是時候混醬一番。

很簡單,芝麻醬、生蒜跟豉醬,就是我是晚的佐料組合。點的湯底,正是粥底,多久沒嚐過粥底火鍋呢~



既然這裡叫得做帝王蟹海鮮火鍋專門店,那就不能不點帝王蟹吧,只是,兩條友無能力幹掉全隻蟹,來份蟹腳便好了。


一枝又一枝的蟹腳,沾上豉油及日本芥末,啖啖是肉吃得多滿足,如果味道能更鮮甜就好了。



再來份細既海鮮拼盤,蝦肉爽口,帶子沒渣,蟶子亦唔韌,不會像趙香口膠咁樣,沒太多要挑剔。



香港人打邊邊唔可以無牛,要碟手切本地牛慢慢歎,始終本地牛的肉味,是比較濃香,較得我心。



牛柏葉是朋友所點的,又砌得幾靚仔,勝在不會韌得過份,可能是我涮的時間拿獵得準繩吧!哈哈哈~



點都要吃個菜平衡下,在餐牌上發現馬尾草,不是護髮的草本嗎?我從未試過馬尾草打邊爐的,有夠特色。




日後再來,應該是大吃川菜,大喝生啤了吧~

餐廳資料:
焸—帝王蟹海鮮火鍋專門店

5 則留言: