食物:$$$1/2
環境:$$$
服務:$$$1/2
從檳城遊玩回來已有四個多月,對當地美食仍然念念不忘,尤其一碗層次豐富的叻沙,完全令我迷倒,現在回想起來也口水流。
相信短時間內也不會再赴馬來西亞,要懷念美味叻沙,只能在本地找些馬來餐廳,止止心癮。
本人好幸運,經常有人為我指點迷津。最近就有朋友向我報料,指元朗有間新開業的馬來餐廳,可以一試。
趁勞動節假期,入元朗勞動下,食碗叻沙。
餐牌上又有海南雞飯,又有肉骨茶,仲有椰漿飯添,一時間拿不定主意。但既然原意是來吃叻沙的話,就該無忘初衷。
另外,加了十五塊錢,要多份斑蘭咖央多。
咖央多與叻沙差不多同時間上桌,前者要趁熱食,涼了多士會韌而不脆,我唔介意食完甜再食咸。烘得香脆的麵包,中間夾著兩大片牛油,以及斑蘭咖央醬,甜美可口,想追加多一份。
叻沙的賣相也像樣,按習慣先呷口湯,辣勁不弱,是下了椰奶的咖喱湯頭,且滲出蝦嗀的香氣,但層次感始終不能與檳城的去相比。麵條是油麵加米粉的參參,是我喜歡的。豬皮、豆卜及魚片等基本的東西全部在陣,那隻蝦更是爽脆而多羔,蝦頭的羔十分甘香。勉強可以頂頂癮。
馬來拉茶稍為淡口,滿足不了重口味的我。
無論如何,要多謝友人的介紹!
餐廳資料:
南香雞飯
件多士超靚仔,要去會一會佢!
回覆刪除去啦! 我見人地食肉骨茶都好香, 不過我冇試~
刪除咖央好正呀!
回覆刪除正~
刪除