2017年5月10日 星期三

榮式燒雞扒 - 濶別餘年


食物:$$$1/2
環境:$$$
服務:$$$

第一次到訪榮式燒雞扒,已是咸豐年前的事,忘了去那間分店,卻對其皮脆肉嫩香口熱辣的雞扒,留下很正面的印象,直頭有驚為天人的感覺。

之後,因種種原因,與此品牌無緣。都好既,起碼多年來,在本人心目中,這雞扒飯仍是一級棒!

終於,在N年後的今天,在加路連山道,再次遇上榮式。又原來,呢間更加係總店,對其出品自然更有期望。
    


循例翻開餐牌,其實來來去去都係幾款嘢,在榮式燒雞扒飯,與雞藕天成之間,掙扎良久。



決定來一碟榮式燒雞扒飯,兩塊金黃色、有坑紋的雞扒依然大塊,咬落去皮脆肉不嚡口,熱度十足,無疑是好吃,但跟我當初嚐到的,似乎仍是差一點點,或許是心理作用吧!



雞扒有水準,但與白飯的最佳拍檔,始終是蔥油與辣菜甫。欣賞呢度夠大方,兩者除了存在於雞扒飯內,更有兩兜放在枱頭,任你吃過夠。



晚市飲品半價,口快快說要凍檸茶,其實應該可樂更為匹配,只怪自己太衝動。



用餐之際,廚房不斷傳來音樂……以及廚師們的歌聲~~

是在開派對嗎?是愉快工作間?

餐廳資料:
榮式燒雞扒


6 則留言:

  1. 餓餓地仲入黎睇埋呢篇,今次大鑊鳥!

    回覆刪除
  2. 其實我樓下間貳郎燒雞扒,真係同佢好似好似!

    回覆刪除
    回覆
    1. 個間直頭係榮式加太興既混合體啦~

      刪除
  3. 我上年去揾炊豕店吃時怎料星期日休息,便去了這間可惜沒有你吃的好樣!

    回覆刪除