2017年4月17日 星期一

Mr & Ms Burger - 漢堡小姐呢?


食物:$$$1/2
環境:$$$
服務:$$$1/2

許多時都會在路德圍這條食街找吃,貪佢食肆眾多,而且流轉快,一間玩完立即接上另一間,長期保持新鮮感。

其中有兩家賣漢堡的小店,經常坐滿人,筆者均未嚐過。兩間各有特色,我都有興趣。

是日走運,六點已回到荃灣,一於趁機嘆番餐漢堡包。但是,食邊間呢?霎時間拿不定主意,幾乎要擲毫決定。



還是先到這間有點酒吧FeelMr & Ms Burger,因為呢間比較細,平時較難搵位。



款式並不算多,十款以內。首次來的我,當然要找款最穩陣的。

邊款最穩陣?我想應該就是Mr & Ms Burger吧!若然呢款都唔掂,可以打屁股啦!



招牌的Mr & Ms Burger,材料就是安格斯牛、芝士、煙肉、洋蔥、蕃茄,以及生菜之組合。

家陣既漢堡,係任由你點壓,點撐大把口,亦難以一口吃盡所有材料,要將之分開又稍欠風味。這個還算好,我勉強可以應付。

包身軟熟而帶微脆,牛肉有肉汁,結合芝士將邪惡度倍升,仲有清甜多汁之蕃茄和爽脆生菜,更喜歡洋蔥粒增添層次,唯獨是煙肉,個人認為可以做得稍脆一點,是美中不足的地方。



啤酒就不喝了,汽水收費略貴,寧可要杯水果茶。咦,係喎,好似沒有奶昔?




吃著望著,卻找不到省鏡的Ms... ...,  哥斯拉就見到一條,在牆璧上。

餐廳資料:
Mr & Ms Burger

6 則留言: