新店速遞：秘 - 尋幽探秘

食物：$$$1/2

環境：$$$1/2

服務：$$$$

復活長假期，沒安排太多節目，好想Hea下，真真正正的抖抖。

第二日假，瞓到自然醒，然後在家附近找吃。即管上網睇睇荃灣一帶有咩新餐廳，結果俾我發現了這間「秘」。

看照片是幾吸引，而且距我家頗近，車都唔使搭，就鎖定此為目標，食完再回家午睡，哈哈哈！

   

小本經營，沒啥子裝修，食物選擇不多，主食只六款，價錢由$78 - $148不等，己包一碗白飯。另可加三十八個大洋轉餐，配備昆布櫻花湯、溏心蛋，以及將白飯升級至櫻花飯素。

再者，再俾多廿蚊雞，可把湯Upgarde至櫻花金魚湯，看相片，那尾金魚是栩栩如生的。原來，這金魚湯，只限在晚市供應。

首次前來，還是小試牛刀，只要客板燒吉列牛，不轉任何套餐。

牛是一口的大小，牛肉與炸漿貼得緊緻，唔會甩皮甩骨。還伴上椰菜絲及半粒車厘茄，除了作點綴之外，更是中和下肥膩感覺。

石板上的一粒小東西，是牛脂肪，將之塗在熱燙之石板上，釋出油份，便可以燒了。喜歡吃生一點或熟一些，自行控制。

由於只是一口Size，燒一會兒已可。急不及待往咀裡送，肉質鬆化，吉列邊位脆而不硬，質素不弱。

其實我覺得，燒香了的牛肉，簡簡單單佐以白飯，是最為合適的。

來一枝蘋果炭酸，感覺上要比飲汽水健康一點。

餐廳資料:

秘

荃灣享成街22號地舖