2017年4月19日 星期三

都會自助餐 - 生蠔、Movenpick是賣點~


食物:$$$
環境:$$$
服務:$$$1/2

與朋友聊起,原來原來原來我竟然未食過逸東酒店的自助餐?!

Eaton的中菜、日本菜、餅店,以致宴會廳,全部到訪過,偏偏沒嚐過其有名的Buffet,我也覺得有點不可思議。

腦海中有十萬個為什麼~

坐言起行,就在Holiday Mood澎湃的週三(好快復活長假),跟久未露面的朋友來聚一聚。

先講下呢度個價錢,加埋一都係五舊幾,部份信用卡更有85折優惠,以市區來計,十分便宜。
    


以簡單的沙律菜、Cold Cut,以及刺身打開胃口,我要進攻生蠔了!



事實上凍海鮮有很多款式,譬如話翡翠螺、小龍蝦、長腳蟹等,但我始終鍾情於生蠔。是紐西蘭產地,個子稱不上巨大,但總算新鮮,我前後吞下了半打。



還取了大兜泰式牛肉沙律,與大家分吃。牛肉不韌,伴紅蘿蔔絲及微酸的汁醬,同是醒胃,若多一點辣勁,會更合個人胃口。



粉麵檔,縱然有多吸引,對於胃納細小的筆者而言,從來只能睇左當食左,今次也不例外,要跨過這環節。



反而,炒公仔麵我真想吃一點。夾一小份量,伴以腸仔、蒸魚、俄國牛柳絲、燒冬菇等等,實行來個大什薈炒公,懶理是港式定乜式,最緊要自己吃得過癮,不是嗎?



這次自助餐既主角,查實是牛與羊,全來自紐西蘭的草飼牛羊。在今時今日食大陸肉又驚,巴西肉仲大鑊既時候,打正旗號的紐西蘭牛羊,讓大家吃得放心。

而要遷就咁多客人,難免要弄得熟一點。



吃過甜美的士多啤梨撻,醒胃的芒果蛋糕,仲有提拉米蘇及蛋撻後,甜胃沒有投訴了。




不過,點都要食埋Movenpick雪糕才是圓滿。

餐廳資料:
都會自助餐

4 則留言:

  1. 哈,我地第一次見面食飯,某人就係黎咗呢度開餐啦!

    回覆刪除
    回覆
    1. 難怪成日返HK都要住依度啦!!!

      Btw, 今日海口同香港都好熱,好想食Movenpick...

      刪除
  2. 最重要有Movenpick仲要11款咁多!

    回覆刪除