2017年3月19日 星期日

DJAPA - 型到一個點~



食物:$$$1/2
環境:$$$$
服務:$$$1/2

晚餐過後,意猶未盡,老友提議去飲杯嘢,吹多陣水,本人樂意奉陪。

我份人,咖啡因比酒精更為重要,可是兩間目標的咖啡店,八點鐘已經關門大吉。連吃兩場閉門羹,是晚註定與咖啡無緣。

人在利東街上,發現有個型格的地方,似酒吧又似餐廳,大家都有點興趣,就去試試。

  
 



係飲嘢定會食嘢架?店員問。

都係食少少啦,老友決定。於是店員便指示我們上樓上。皆因店子地下是酒吧,樓上就是用餐區。





拾級而上,到達二樓的用餐區域,同樣是大走南美風,配以日本卡通的元素,型格到一個點。





已經吃過晚飯,只點小量東西淺嚐便可,來杯飲品吧!一杯Whisky Sour,賣相簡單而精緻,威士忌的味道不重,反而酸味更突出,容易入口。令人不知不覺地喝醉的,就是這種。





店子算是以串燒作主打,定期會有一款產品,以優惠錢發售,每人只可柯打一串。今期輪到和牛,是背肩位。咁抵,無理由錯過啦~





肉質鬆化,也富油香,是上乘的質素。佐以自家制的麵豉醬、辣醬,或是甜醬,各具特色。





再來一客北海道帶子,擺盤有心思,帶子的火侯亦控制得恰到好處,非常嫩口,來自北海道的帶子,質素其實無庸置疑。





還是有點甜會比較,來個brigadeiro有朱古力、開心果與椰子的口味,質感好Soft,味道不俗,是圓滿的結局。





由美食至旅行,從工作到近期熱門話題的特首選戰,大家無所不談,識左廿幾年係咁架喇!


餐廳資料:
DJAPA
灣仔皇后大道東200號利東街地下G18-20 及 F18A號舖

6 則留言: