權八居酒屋 - 玩到宮城

食物：$$$1/2

環境：$$$$

服務：$$$$

欣賞1957 & Co.旗下的餐廳，不論日本嘢、泰菜，抑或是越南餐廳，間間環境設計型格不在話下(睇下集團係邊個腦細就知)，更喜愛佢經常有新搞作，如權八今期就推出宮城美食。

一收到消息，想起美味的仙台牛，同埋石卷蠔，垂涎三尺，立馬定個日子，捉埋車媽媽去擦番餐。

已不是首次到訪權八，不再長氣多講餐廳之環境，想了解的話就睇番我的舊文章，或者親身去體驗下。

見到呢樣又想食，嗰款又好岩心水咁，選擇困難症又再發作，索性忠於自己的意願，點晒佢，呢餐太豐盛了吧！

  

 

豐富的晚餐以石卷市的生蠔作序幕，就最好不過。大大隻又肉厚的生蠔，爽口非常，用清爽的蘋果寒天去配搭，襯托出蠔既鮮味，一隻實在不太夠喉。

將Silver Salmon薄切，配合帶微酸的汁醬，乃是相當醒胃的一道，一片又一片的捲起來吃，不自覺地清了大半碟。

愛香口東西的我們，每人來隻芝士煙肉帆立貝。不知為何，總覺得有少許港式。不過，焗得香濃的芝士，混入了煙肉，與嫩口的帆立貝，是不會難吃的。

車媽媽對牛敏感，但我真係話之佢，照點仙台牛可也。燒得香噴噴的牛粒，一口　Size，肉質鬆化，咬下去脂香四溢，充斥口腔，太過精彩，整份牛由我包辦，完全不成問題，再來一份都可照殺。

香口嘢陸續有來，千層芝士吉列赤豚，漏是漏了一點，但香脆鬆化的吉豬，多了芝士又堅係吸引好多。沾上沙律醬也好，吉列汁醬又好，多吃椰菜絲都好，車媽媽都難逃罪惡感。

車媽媽曾嚐過這裡的石卷蠔釜飯，大讚水準了得，雖然我都覺得味道不俗，質感卻是稍濕了些少，蠔是香，又沒有驚為天人的感覺，或許此時我已被那吉列赤豚KO了。

飽到上心口，但饞嘴的性格始終改不了，見鄰桌的海膽生氣勃勃，像向我揮手一樣，又忍不住來兩件海膽壽司，實行以鮮味來攻撼我的味蕾。

聽說這店的士多啤梨是好味到要一人獨吞成盒這樣子，所以呢度既士多啤梨芝士蛋糕，我是絕對唔會錯過。的確，草莓是甜得交關，芝士蛋糕輕怡可口，証明我既選擇好精明。

豐盛晚餐，跟上店員推介的愛宕乃松，好！奸悲！

餐廳資料:
權八居酒屋
銅鑼灣希慎道33號利園一期4樓
27873688