2017年2月23日 星期四

Si Simply Italian - 荔枝角的清新氣息



食物:$$$1/2
環境:$$$$
服務:$$$$

近呢六、七年,荔枝角由一個飲食沙漠,搖身一變成為小小的餐飲勝地。億利工業大廈,卧虎藏龍;D2 Place之出現,帶來了幾間有水準的特色餐廳/會所,隨著D2 Place二期的發展,相信老饕會有口福。

大鄉里出城的筆者,還是首次踏足D2 Place二期搵食,兜左個圈,選定了地下的那家Si Simply Italian,為我在二期的第一個目標。

呢區早已進化到午餐要百幾二百蚊落樓,與金鐘中環等商業區無異,我有點懷疑,消費力真的跟得上嗎?

   
 



不過,這家Si Simply Italian的環境,又確實頗舒適的,當日也眼見有幾枱外國客,氣氛十分輕鬆。





點餐後,先吃麵包,不是什麼花巧款式,勝在是熱暖,邊位夠脆,沾上油醋,作為熱身也是合宜。





相信很多朋友都猜到,本人選的頭盤乃是火腿,軟熟有肉香,連同粒粒芝士放入口,比起波友的沙甸魚沙律,更討喜。





主菜選擇不算少,豬牛雞魚,以致意粉,一應俱全。我挑的蟹肉偏意粉,端上來時香噴噴,意粉能做到彈牙有咬口,汁醬醒胃,加上絲絲蟹肉,是實而不華的出品,我沒揀錯。





對方的煎鯰魚,同樣不俗。煎得外微脆而肉質保持嫩口,簡單以鹽與黑椒調味,便成事。更讚的是配角之車厘茄與菜蔬,繽紛色彩令人增強食慾,選料也是新鮮可口。





甜品二揀一,分別是Apple Cake, 以及Tiramisu,據店員說都是自家制的,索性各來一份再分享。





兩者之中,個人較欣賞提拉米蘇,脆口像餅乾的質感,最重要是帶有很濃郁的咖啡酒香,於我而言必定會加分。





本以為打正旗號的意大利餐廳,杯咖啡會好有睇頭,可惜不論拉花與味道,均未如人意,還是我自己仍停留在低下水平,未懂欣賞?



餐廳資料:
Si Simply Italian
荔枝角長順街15號D2 Place二期地下G03號舖
23709022

6 則留言:

  1. 環境幾好,但要$200落樓依區覺得唔值wor..

    回覆刪除
  2. 呢杯啡嘅賣相已比呢度嘅人氣店靚好多啦啦啦。
    ;P

    回覆刪除
  3. $200好似貴D喎!睇嚟以後要入元朗食早餐了!

    回覆刪除