2017年2月21日 星期二

Donka自家湯汁麵食專門店 - 魚蝦蟹烏冬



食物:$$$$
環境:$$$1/2
服務:$$$$

開心星期五,原本約了老友晚飯吹水,誰知慘慘豬朋友突然要OT,無法出席,我唯有食自己。

一條友,都係食麵呀鳥冬之類啦,醒起城市花園的鳥冬專門店,一家我想食耐的食肆,毫不猶豫跳上巴士,往炮台山方向去。

怎麼週五晚的七點幾,店內只得寥寥人客,我係咪已經中左伏呢?

  
 



反正洗濕左個頭,無謂諗咁多,點餐吧!目光總注視在幾款烏冬之中,是雞魚蝦蟹之選,把心一橫,就要最名貴的蟹黃





未幾,店員便將蟹黃烏冬端上。先小嚐一口蟹黃蟹肉,現在雖不是最佳季節,也稱不上特別鮮,但相當足料,我已滿意。





下些醋,將蟹黃及蟹肉拌勻烏冬,可以正式起動。採用稻庭烏冬,更能掛上湯汁;加入了醋更能引出味道,收畫龍點睛之效,三扒兩撥便已清掉。老老竇竇,呢個組合,鮮有失手的機會,除非你用了腥的蟹黃。





一碗烏冬總是差少少才夠喉,再來串燒牛柳吧。大口咬下去,肉汁很多,口感鬆化,有驚喜。若不是食力有限,我會追點份燒牛舌的。





不打緊,我必定會再來試這裡的蝦紅,同埋燒牛舌,燒埋廣島蠔都好喎!


餐廳資料:
Donka 自家湯汁麵食專門店
北角電氣道233號北角城市花園第3座地下
23888143

4 則留言: