2017年2月19日 星期日

海外篇:鎂輝茶餐中心 - 汕頭街夜市的白天



食物:$$$1/2
環境:$$$1/2
服務:$$$

一場來到檳城,當然是吃地道東西為主,高級餐廳或酒店,一餐半餐叫做見識過便可。

我們下榻的酒店附近,汕頭街,雖說是個小夜市,實情中午也有幾檔茶餐室打開門做生意的,其中之一,也是比較大的一間,叫鎂輝茶餐室。

找了位置安頓好,兩位老友就出去買食,我則舒舒服服的坐著,睇住電視重播的賭聖,飯來張口。

   
 



這邊的魚蛋湯,有點像江南魚丸,即是質感比較軟滑,但並不彈牙的版本,勝在有點鮮味,湯頭來得清徹。





對於街頭的娘惹魚塊,肯定不會期望魚柳是什麼上等貨色,只是汁醬能做到酸辣醒胃,在我心目中已經合格,這裡就是了。





炒粿條固然是必吃的東西,這裡的炒得鑊氣足,但份量較小,味道只是平平。





炒粿條鑊氣足,反而另一檔口做出來的涼瓜炒蛋,涼瓜雖夠甘,以大排檔而言,是欠缺了點點鑊氣。同埋,今時今日的雞蛋,怎麼總是無厘蛋香。





在檳城吃個幾遍燒味,與香港有別,總是切得薄薄與細細的。今次所嚐的也一樣,不過,叉燒薄身而爽脆,幾合我意。燒肉雖都是細細粒容易食,勝在皮脆,沾上辣醬,麻甩佬表示吃得高興。





當然要來杯精神食糧,奶茶啦(即我哋既茶走)!煉奶放得太兇了,連我也覺得過甜。



餐廳資料:
鎂輝茶餐中心
96, Lebuh Kimberley, George Town, 10200 Pulau Pinang, Pulau Pinang, Malaysia

5 則留言:

  1. 涼瓜我好多好多年都無食過啦!你老友又係話雞蛋無味,不如我下次帶返黎做手信吖,哈哈!

    回覆刪除
  2. 最後個杯茶走(最左邊)真係好過份!!! ^_^"

    回覆刪除
  3. 老闆好明顯覺得你哋缺奶啦haha~

    回覆刪除