2017年2月17日 星期五

明發茶室 - 敗在豬油渣



食物:$$$
環境:$$$
服務:$$$

深水埗巷仔經營多年的明發小食,近月作出了優化,並先後在深水埗和長沙灣開設了店,簡單直接取名為明發茶室,街坊就唔會唔知定摸錯地方。

第一時間已幫襯過本店,但作為長記仔既筆者,怎樣也要到一到長沙灣店拜訪下。

當然不會期望店子會有什麼特色豪裝,至少乾乾淨淨,企企理理,比起當年還是小食的日子,已是大躍進。

   
 



近年已不再食魚翅既本人,碗仔翅仍是抗拒不了,先來碗久違了的碗仔翅,兩溝。湯頭夠熱,濃稠得宜,味道也好,魚肉口感彈牙,童年味道跑出來,有番咁上下年紀既朋友會知我講乜。





醬爆肉上海麵是這裡的招牌之一,麵條其實沒什麼特別,醬爆肉卻是精華所在,非常惹味,而且鬆化,個人認為是十分出色,我想將之配白飯,或者更精彩,下次來一於試試。





說碗仔翅很有童年味道,豬油渣麵照理也不會輸蝕,可惜呢度既豬油渣,並沒炸香把油迫出來,只是一粒又一粒的肥豬肉,吃得滿口肥羔,完全不是那回事,即使你放入菜圃,也無補於事。





餃子太誘人,嚐了一隻才驚覺忘記拍照,快快趣拿手機隨便影張便算。餃子煎得香脆,又不致太油膩,椰菜與韭菜餡之間,我會較欣賞後者,始終是香口一點。





一份豬油渣,拖垮了整個品牌的印象,可惜!



餐廳資料:
明發茶室
長沙灣元州街324號地舖

4 則留言:

  1. 印象中我未食過豬油渣,豬油糕就食得多!

    回覆刪除
    回覆
    1. 現在都唔多地方有真正豬油渣了~

      刪除
  2. 兩溝現在好難找到美味的!

    回覆刪除