2017年2月11日 星期六

晉薈 - 向左走,向右走



食物:$$$
環境:$$$1/2
服務:$$$1/2

探外甥女BB前,先去飲餐茶。

可能仍是過年關係,早一天訂紫粵軒,竟然爆滿。我的目標,立即轉移到隔鄰酒店的晉薈。

訂了枱,亦要等候十來分鐘,最後也只是夾硬加張枱在隔離日本餐廳那邊。兩間餐廳,同一屋簷下,自當可以有此安排。

在日本餐廳飲中茶,我還是第一次。細心留意下,原來鄰桌,都係食緊蝦餃燒賣與炸雲吞。

  
 



本人已幾年沒來,仲一心想吃阿鴻的鹵水鵝,誰不知阿鴻小吃既鹵水檔,已消失了近兩年時間。





那唯有點心以外,再點個炒飯。賀年點心仍有供應,老媽子話要年年有餘,即是魚餃,造成魔鬼魚既樣子,皮頗厚,有點黏筷子,魚肉餡料勝在混入了芫茜,味更佳。





蝦餃的澄麵皮,同樣是略厚,全蝦肉餡,或許予人感覺矜貴,但我始終喜歡加入了豬肉,或者筍尖的蝦餃。





叉燒包外皮算不上十分軟熟,稍乾,但至少夠熱,內裡的叉燒粒沒太韌,不過蜜味可以充足一點,普普通通吧!





還選來一份脆皮牛肩,牛肩是切開了才上粉炸的版本,外皮是鬆脆,可是牛肩肉不論肉味或是質感,也較平庸,配上的並不是燒汁或者咖喱汁,而是喼汁,有點格格不入。





有想過來個中日Crossover,點客的飛驒牛炒飯,之但係老豆不吃牛,而且我們亦已叫了脆皮牛肩,還是算了吧,在晉薈的餐牌中挑回瑤柱蛋白炒飯。成品稍欠乾身,而且全無咬口,不懂欣賞。





曾考慮過不吃甜品,最終都係決定俾多次機會佢,幸而,擂沙湯圓是軟腴,黑芝麻香甜,最重要是熱得燙口,沒再令我失望。

我還是喜歡在茶樓/酒店中菜廳飲茶多啲。


餐廳資料:
晉薈
將軍澳唐德街3號香港九龍東智選假日酒店2樓
26232333

6 則留言:

  1. 呢餐夠破隔喎!

    又,我14年返黎嗰次仲食到阿鴻咪好好彩!

    回覆刪除
    回覆
    1. 佢係晉薈入面無左阿鴻個檔口啫, 阿鴻仲有其他分店既

      刪除
  2. 原來晉薈依家咁爆場!但稻真係煲極唔起呢

    回覆刪除
  3. 都算一場特別的餐飲經歷!

    回覆刪除