2017年1月5日 星期四

The Place - 今期吹英倫風



食物:$$$1/2
環境:$$$$
服務:$$$$

長假期後重投工作崗位,魂游太虛在所難免,全日處於Loading狀態。開會後,還是速速閃人,跟朋友們去飽吃自助餐,新一年事事順境。

Cordis Hotel,酒店轉了名我也來過吃幾次Buffet,是穩陣之選。今期自助餐更以英倫為主題,正中我呢個偽英國人下懷。

唉,餐餐我都係最遲到達的一位,什麼時候可以改變呢個情況呀?

   
 



周圍影相後,可以開餐。除了英倫食品,還有三寶,是必吃的。生蠔與凍海鮮當然是其中之一。兩款生蠔是即開的,分別來自紐西蘭及美國石蠔。論爽甜,我會更喜歡前者。





香噴噴的芝士焗龍蝦,必會成為大熱。既香又肉爽,看師傅焗完一盤又一盤,之後又被清掉,水準可見一斑。





但講到我至至至鍾意的,肯肯定就是煎鵝肝。即場煎起的鵝肝,厚身到不得了,入口溶化,甘香無比,連同多士吃,再邪惡我也要將之殲滅。





吞噬了以上三寶,已經飽了一截,但多款英倫熱食,也很吸引。牛肉批除了有牛肉外,相信也混入了Kidney,香很多;燒牛肉與Yorkshire Pudding總會令我瘋狂;炸魚當然不會原條上,我不會因此投訴,反而只配茄醬和Mayo,而沒有醋,我是有一點點介意。





仲有香噴噴熱呼呼的香腸約克夏布丁,這類傳統食物,總能討我歡心。





日缺少湯水既我,可以趁機會來盅燉湯,但一盅飲唔晒,有無人可以同我分享?





其實已飽得八八九九,刺身壽司只是循例的來幾件,估唔到壽司又握得唔錯喎,有進步。





甜品還是先主攻英倫主題的吧!可惜,來得太遲,高貴手袋造型的蛋糕,早已被搶購一空。我唯有改攻插有米字旗仔的杯子蛋糕、濃得化不開的拖肥蛋糕、加入了肉桂既芝士撻、英式紅莓布丁等等,已教我十分滿足。





飽得我放棄了咖啡,要飲檸茶來消滯。





臨走前,記緊在門口的電話亭影番張相,參加比賽,有松會贏多餐架!



餐廳資料:
The Place
旺角上海街555號香港康得思酒店L樓層
35523028

6 則留言: