靚煲皇 - 團年去滾

食物：$$$1/2

環境：$$$1/2

服務：$$$1/2

繼續停不了的團年飯。

這段時間，吃了不少粵菜川菜做年，趁天氣涼涼地，來個邊邊作團年，也是不錯的選擇，我本身都鍾意食火鍋的啦！

選址在靚煲皇，本人沒有異議，多年前我曾到舊店嚐過幾次，那時店子在天橋的另一端，桌子放滿路上，好有麻甩風味。

店子遷過來後，地方好像少了，雖仍有枱放在路邊，但格局比以前溫文。

坐戶外打邊爐，風味是好，卻要忍受煙霧迷漫，對於喉嚨經常敏感既我，還是回到室內，比較合適。

　　　

 

好歹都是團年，就算是吃火鍋，也大可來個撈喜，寓意大家愈撈愈掂。

想不到這類麻甩火鍋店，擺盤沒有粗枝大葉，青瓜絲、鮑片絲、火腿絲、紅蘿蔔絲，與中華沙律，砌得靚靚仔仔，頂頭還奉上幾隻蝦。

起勢撈呀撈，愈撈得高愈好，基本上所有配料都是清爽之物，伴以店方自家調製的日本芥末，必然醒胃。

不知從何時開始，混醬已成為打邊爐的指定動作，生蒜熟蒜紅椒粒，諸如此類，隨你喜歡。

圑年梗係食豪少少，不妨要個花膠海參靚雞湯底？花膠、海參、冬瓜、粟米等放得滿滿的，好豐盛的感覺。

滾起就放雞入鍋，不用滾太耐，務求各部位仍保持嫩滑。

香港人打邊邊唔可以無牛，安格斯與本地牛之間，選來了後者。因為當中有人堅唔食牛，我個人清掉了半碟，如果牛肉既質素高一點，我會更滿足。

響聆是店方自家炸的，唔係來貨，當然要試。無須計算是否三秒，輕輕拖一拖，沾點醬油，是好味道。

美國桶蠔大大隻，漲卜卜，咬下口感尚佳，同是我吃火鍋的必選配料。

爽脆的鵝腸，原本我都喜歡，可惜呢度既出品，中芯肥脂不夠多，未算邪惡。

食埋鍋內的花膠海參與粟米，飽到上心口，要行番去奧運站搭車，當散步。

餐廳資料:
靚煲皇
旺角塘尾道18號嘉禮大廈地下
23990812