旺記冰室 - 滑蛋叉燒新勢力

食物：$$$$

環境：$$$$

服務：$$$$

以前蛇竇的滑蛋叉燒飯好吃，大坑順興也不錯，不過已有多年沒幫襯，未知有否走樣？

聽說，最近有間新餐廳，叫旺記冰室，其滑蛋叉燒飯，好有水準，我早已將之加進to-eat list之中。

十二月始終較忙，一路抽唔同時間去食，直至某星期六，終於可以毒自去嘆個午餐。

老闆是位四十歲左右的中佬，見佢以流利英文向日本客人介紹食物及落單，相信是浸過下咸水。

　　

 

在滑蛋叉燒與滑蛋蝦仁之間掙扎，蝦仁貴兩蚊，處於貧窮線以下的我，兩蚊足以俾我老豆搭程車過海去海浪公園玩一整天，所以，我點了前者。

成品是看得出的美味。雞蛋嫩滑，滿載蔥香，加埋甜豉油撈飯，叉燒頓時間變成配角。

叉燒是來貨，全瘦，茶記貨色，贏不了最受歡迎男配角，若有地方能用上梅頭，燶邊，本人定必會義無反顧去幫襯。我係咪諗多左呢？

可樂夠凍，杯子好凍，仲有冰，呢杯檸樂，超爽呀！

餐廳資料:
旺記冰室
灣仔謝斐道142號建利大廈地舖
25282927