2017年1月15日 星期日

辦館 - 辦好些食物吧!



食物:$$1/2
環境:$$$$
服務:$$$

近年多了些懶新潮又扮懷舊的餐廳食肆,辦館是其中之一,而且不止一間,近排佢在銅鑼灣Tower 535及中環開設了分店,實行玩大佢。

無可否認,其裝修佈置,以致招牌Logo設計,也是花了心思。餐廳除了室內,更附設戶外地方,天氣好的話在外喝番杯,確是個好地方。然而,是晚有點凍,為免邊食邊打冷震,還是坐番入室內比較穩妥。

瞄一瞄有咩食,朋友想要蝦籽蠔油撈麵,我對四川擔擔麵有興趣,可惜統統售罄,此時正值晚上七時半。

店員話:不如我話俾你知有咩丫!有呢樣呢樣,同埋嗰樣嗰樣……

   




終於,我們選了Carbonara、沙嗲安格斯牛撈公,以及炸燒賣,睇睇食物質素,再決定叫唔叫甜品。





卡邦尼意粉最快送上,將頂頭的蛋破開,任由蛋汁沾滿每條意粉內。再加上意粉本身Creamy,呢碟出品,可以過關的。





之後既沙嗲安格斯牛撈公,看上去,似乎有點點不對勁。





沙嗲汁到底往那裡去了?將公仔麵起勢撈呀撈,也不怎發現沙嗲汁之蹤影。破穿水煮蛋,卻又是全熟的,我被迫要吃毫無味道、全無汁醬的撈公。安格斯牛肉粒,算是安慰獎嗎?





椒鹽燒賣亦偏硬,不過沾上醬汁,總比撈公好。





放棄甜品了,飲埋手頭上杯咖啡,便算。還幸,我們旨在聚聚舊

餐廳資料:
辦館
銅鑼灣謝斐道535號 Tower 535 3樓302號舖
31889650

6 則留言: