2016年12月1日 星期四

新店速遞:淞川居酒屋 - 吃得太早



人類總要重複犯上同樣的錯!

深知剛開業的小店,需要時間去適應去磨合,頭幾天錯漏百出在所難免,但當朋友說要去試時,我卻是義無反顧的跟著進去。

店子叫淞川居酒屋,我們幫襯的那天,紅紙還未搣,只屬試業階段。

樓面暫只見一人,落單埋單收碟出餐加水一腳踢,而且未算熟手,有錯單有漏單,我很理解,只希望出品,不會令人失望。

   
 



各自點選了午餐,再問店員中午是否有串燒(因在門外見到有),答案也是有的,說轉頭拿個串燒餐牌給我們參考。可惜去如黃鶴,我睇佢忙到團團轉咁,還是算了吧!





午餐是會跟上茶碗蒸,雖然是飯來了後吃至一半再上,但我還是先寫吧!蒸蛋稱不上很有蛋香,卻勝在夠熱,同幾滑,內含不少餡料,如蟹柳、日本魚蛋、白果等,一應俱全,以長沙灣區小店的質素,算係咁。





番主食,朋友的咖喱蛋包飯,原本我想偷一點來試,但看見賣相,我打消了這念頭。聽朋友的評語,相信我無選擇錯誤。





我的,是安格斯薄燒定食,吃口米飯,毫不軟熟,是我要求太高嗎?





薄燒味道不過不失,至少咬下去有油香,但最大敗北,是唔熱。

小店還未正式營業,就判佢死罪,未免有點那過,下次來食埋串燒才說吧,雖然我也不會寄予厚望。


餐廳資料:
淞川居酒屋
長沙灣保安道

4 則留言:

  1. 原來係佢。。。而你,又真係會俾多次機會佢,不過俾著我都會,嘻嘻!

    回覆刪除
    回覆
    1. 始終係小本經營, 而且未企穩陣腳。。。

      刪除