2016年11月17日 星期四

Nahm, Vietnamese & Thai - 泰優越??



食物:$$$
環境:$$$$
服務:$$$

英國脫歐,美國總統大選結果出人意表,南韓總統閨密干政,香港就快唔可以亂講嘢…… 世界似乎真的瘋了,更有攬炒的意味。

面對以上種種,一方面我仍會維持「維園阿伯」本性,繼續破口大罵。另一方面,我亦會及時行樂,對自己好啲才是最實際。

週末,想睇套戲輕鬆下,圓方的The Grand Cinema是我首選的地方。皆因戲院超舒適,音響又正,而且商場有不少優質食肆,可以食完好西才入場。

原先打算食Pizza,可是被薄餅店的人龍嚇倒,大打退堂豉。醒起在商場屹立多年的越泰菜館,我從未見識過,係時候去拜會下。幸好,只需等候兩張檯,五分鐘左右可以入座。

   
 



頗喜歡呢度既裝修,泰式風味甚濃,卻不失高貴氣質。





蔗蝦是著名的越南小食,蝦膠金黃飽滿,但口感普通,還好能滲出點點清甜的蔗香味,吃時要小心燙口。魚露在這經典的小食之上,起了舉足輕重的作用。





另點了軟殼蟹米紙卷,上桌時感覺滲拜,很討好。軟殼蟹同是炸得金黃,咬落香脆不油,若然多羔一點,就更理想。米紙卷內還包含了一片香甜的芒果肉,減低油膩感,因此很容易清碟。





一心以為菠蘿雞絲炒飯,會是原隻菠蘿呈奉,可是我太天真了。炒飯有欠乾身,比預期中遜色。





上錯檯的Thai Iced Tea,看來幾吸引,朋友幾乎喝了。





一杯香濃的越南滴漏咖啡,為我提提神,以防待會在戲院內ZzzZzzZzz……


餐廳資料:
Nahm, Vietnamese & Thai
尖沙咀柯士甸道西1號圓方(Elements)1樓1044-45號舖
28107575

6 則留言: