食物:$$$1/2
環境:$$$1/2
服務:$$$1/2
毒自在荃灣搵食,於眾安街,發現一間為食雞小廚,相信是新開無耐,很自然地步進去。
甫坐下,見其橙色的主題,再想起為食雞呢個熟悉既名字,難道就是荔枝角億利工業大廈的食堂之門市?當年我係荔枝角返工,間中都會幫襯。
猶記得那裡的豬髀飯,出色,比起海南雞,更討我歡心。雖則不能肯定此為食雞與彼為食雞的關係,我也心甘情願,來一碟豬髀飯,搏一鋪。
落單後,店員先奉上湯,是晚的南瓜湯,材料不少,卻略為淡口,但總好過味精掛帥的出品,這純粹個人意見。
豬髀飯送來,可以肯定兩者是同出一徹,我沒下錯注。豬皮仍是爽口,肉質也沒有太嚡口,感覺雖及不上當年,但絕非失禮。
落在一角的酸菜,好鬼辣,是我嚐辣功力倒退了嗎?Any肥,送飯一流。
杯熱奶茶,很澀,來配合我的心情?
在不經意間找到當年工作的絲絲回憶,呢$58,抵俾!
為食雞小廚
荃灣眾安街114號地舖
25118880
印象中我未食過豬髀飯,但二揀一,我應該會揀海南雞飯先,因為好耐無食過啦!
回覆刪除平時我都會揀海南雞
刪除做乜食我隻脾呀!
回覆刪除