2016年11月12日 星期六

Cafe East - 華麗變身



食物:$$$1/2
環境:$$$1/2
服務:$$$1/2

以往食自助餐,搶得最瘋癲,排得最誇張的,多數是龍蝦、生蠔 (如有),或者鵝肝,偶爾會是燒牛肉。

然而,呢度有點不同,眼見許多食客圍著熱盤進攻,因為今期既主題,是海味,一個很特別的嚐試。

我所指的這家,就是在千禧新世界香港酒店的Café East,即係呢,以前叫日航嗰間酒店呢!

酒店轉名後,Buffet我來吃過一次,感覺比以前好。

   
 



在紅隧塞了一大輪,過到來成個人吽吽哣哣咁,安頓好,出去兜個圈先。





雖則話以海味為主題,基本的冷盤及凍海鮮,當然不缺。就以幾款火腿、煙三文魚、龍蝦及青口等作熱身,各式各樣的火腿與莎樂美腸,質素符合預期,開邊龍蝦是海味以外,很受歡迎的項目,肉質沒太韌。青口及麵包蟹水準亦不俗。





本人吃自助餐,因胃口小,不是經常性會喝湯,以免一肚水,吃不下其他。但呢度每人奉上的一盅,是迷你佛跳牆,份量於我而言是剛剛好。小小的鮑魚夠腍身,還有厚大的冬菇和魚肚,對平日少湯水又捱到就死既我,是及時雨。如果你是湯怪,外面還有兩款湯水,有中有西,悉隨尊便。





湯還未喝完,再每人奉來一件鵝肝,馬上雙眼發光,從來邪惡既我,也不能抗拒甘香美味的鵝肝。





有人拿了一碟刺身回來,大家齊齊分享,三文魚、北寄貝乜乜乜,當中的玉子,又幾好吃。





幾輪「熱身」,飽了一半有多,目標係時候對準今晚既主角,熱盤!鵝掌扣花菇,是意想不到的好,尤其是鵝掌,連吃兩隻才收手。魚肚浸時蔬、海參等,同是大眾愛戴的東西,但我對此海參麻麻地。





仲有其他熱盤既,蒸石斑、海鮮雜燴,以致西式的白汁意粉,一應俱全,但我真沒能耐每樣全試。另外,燒牛肉,自當會是食肉獸必然之選。





印度食物一欄,看見有印度師傅在陣,信心大增,除咖喱外,也請他弄幾件Kebab給我們,超級飽滿的,很豐盛。





細食既我,要跳到甜品環節了。朱古力慕思、芒果Éclair、榴槤布甸外,還有兒時常吃的啫喱、棉花糖及可樂糖,雪糕也是哈根大師之作,喜上眉梢。





不過,最有特色的,卻是檳色的“曼煎粿”,即類似我們兒時的砂糖夾餅的東西,我在星洲嚐過之後,一試難忘。能在這裡重遇,開心死了。





餐茶也可以放棄,皆因我看見印度師傅在拉茶,立馬去取一杯。是薑汁拉茶,頗重的薑味,合心水。



餐廳資料:
Cafe East
尖沙咀麼地道72號千禧新世界香港酒店1樓
23134222

5 則留言: