食物:$$$1/2
環境:$$$
服務:$$$1/2
大坑,曾經風光一時的飲食寶地,許多人專程前來搵食,如今,每隔幾步便是吉鋪,十分冷清,地運似乎已經走完。
剩下來的店子,各施各法,企圖殺出新血路。其中的法式小店Warren,就以平民化價錢作招徠。
價錢親民到咩地步? 四個Course, 連加一,四舊水鬆啲。
我第一個感覺,唔係呀Fa~~究竟呢個價,可以食到乜?
為何不是配多士呢? |
第一道菜,是鵝肝!以入口溶化的鵝肝,配搭清新的香芒醬汁作序幕。如果配上的,係多士而唔係普通麵包,就好了。
頭盤以外,還有湯,在藍青口忌廉湯與法式洋蔥湯之間,我選取了後者。拉出來沒有一絲絲的芝士,但味道也算濃郁,合格的。
對方的主菜,是低溫油封三文魚柳,出來的效果很嫩滑,需知煮熟的三文魚很多時都會嚡烚烚好難食,呢度做得算係咁,更欣賞是配菜伴碟,明顯花了心思,突顯廚子一絲不苟的態度。
我梗係專攻肉類,一味慢煮西班牙豬腩肉,正中下懷。單是看見那肥腩騰騰震食夾棍的樣子,已經滿足了一半。腩肉自當甘香,若瘦的部份可再鬆化些少,會更迷人。同樣地,配菜是相當精緻,值得一讚。
甜品是自家制的雲尼拿雪糕,奶味偏重,我是接受的。
我未去過大坑揾食呢,鄕下婆唔識路。^^"
回覆刪除大坑都已風光不再了
刪除不用客氣haha~
回覆刪除