沾仔記 - 乒乓波雲吞

食物：$$

環境：$$$

服務：$$$

做飲食的，有些人忠於傳統，有些人喜歡創新，各施各法，最緊要有人受。

譬如做雲吞麵，老牌麵店會是雲吞在底，金絲麵鋪面，雲吞一啖一口；有些地方，會弄大大粒雲吞。

沾仔記的大細蓉，雲吞麵屬乒乓波咁大既Size，你話佢唔忠於傳統，人家卻又連續多年獲車軑人推介。

認識筆者既朋友都知道，我胃口不大，許多時晏少少食個下午茶餐，可以當晚飯。

    

辦完事，約五點鐘，趕得及食下午茶，衝了入沾仔記搞掂。

 

茶餐

下午茶餐，雲吞麵加飲品，三十三個大洋，殺佢！

 

湯頭都唔得

吃細蓉三步曲，照例先呷口湯，淡而無味，完全欠缺大地魚的香氣，落筆打三更。

 

唔掂

再吃麵，又不及爽口彈牙，可以判刑。

 

乒乓球雲吞

雲吞有三粒，雖是大大粒，內裡蝦肉遠多於豬肉，口感卻一點也不行，又唔香，點搞?

 

可樂，竟也不是枝裝，無言。

 

餐廳資料:
沾仔記
中環皇后大道中153號兆英商業大廈地庫
2581 3369