2016年10月25日 星期二

8度餐廳 - 天跌落嚟當被冚



食物:$$$1/2
環境:$$$1/2
服務:$$$1/2

家陣食Buffet,動軋六、七百個大洋,仲唔保証有生蠔 (港人至愛?)食,縱使多不甘心,亦要乖乖付鈔。

若然,有龍蝦有即開生蠔有蟹腳,同埋煎鵝肝,連加一埋單四百蚊鬆啲,你又點睇?

土瓜灣的8度海逸,無花無假堅係呢個價。

在一日之內掛齊黃紅黑雨的那天,無懼風吹雨打跟朋友前來品嚐抵食Buffet,順便讓我回味下當年在土瓜灣巡鋪既日子。可惜的是,有一位朋友因交通問題,來不了。

   
 



凍海鮮有青口、蝦、蟹腳與翡翠螺,質素跟坊間大部份的酒店自助餐無異,我還是留力,進攻即煎鵝肝。





看著師傅在煎滿Pan的鵝肝,香氣四溢,急不及待要番件。好很厚身的鵝肝,入口溶化,甘香味美口感尚佳,如多士可以更脆口,就無得彈。





龍蝦也有兩種做法,我會喜歡芝士,即使較漏,也無妨,加多個伊麵墊底仲好。





即開生蠔有兩款,分別是法國代表Fine de Claire,與及美國住麗Pacific Oyster,法國生蠔從來穩陣反而大隻的美國蠔,更有驚喜。





吃罷以上皇牌食物,飽了一半,但也想繼續我愛的莎樂美腸、火腿和芝士。

 

刺身壽司之中,竟發現有和牛刺身,好大膽的安排只要你肯踏出第一步,試一口。





熱盤選擇比想像中多,有中式有西式,仲有印度嘢。其中最欣賞的,必要數到羊架,肉質嫩,羊羶味來得恰到好處,絕不似一般Buffet的熱葷。另外,咖喱蟹亦出色,朋友好像吃了三轉。





再講,這裡的燒味,比預期中好,叉燒唔怕韌,仲有油雞食,新鮮出爐的燒肉,更大受歡迎。





呢度既爆谷,真有水準,好想拿回家睇歐聯時會大派用場。





齊心就事成,夾好每人拿一點甜品,拼湊成慰藉甜胃的最佳禮物。由於臨近萬聖節,當中不乏節日甜點,如南瓜造型的蛋糕,同埋鬼眼的果凍。





然而,個人認為最精彩的,仍是店家的招牌芒果拿破崙,果肉鮮甜,酥皮清脆。再者,士多啤梨蛋卷,輕怡軟熟,同樣得到高分數。





好幸運,回家之時,已停雨,還要多謝朋友車我回去,真係唔話得。

餐廳資料:
8度餐廳
土瓜灣九龍城道199號8度海逸酒店地下
21261960

3 則留言: