見城日本料理 - 抵食午餐

食物：$$$1/2

環境：$$$1/2

服務：$$$1/2

朋友，是要見面的，舊同事亦然，那管是聚舊，還是收風索料。

舊同事曾經講過，想去食見城，不過夜晚太貴，一定要食晏晝。咁樣，就搵個星期六，去食Lunch囉。

的確，佢中午係好旺場，限一小時交檯。如果唔預先訂座，更是明天請早。

      

好開始

各自點了一客午餐，之後再加多份小食。在炎炎夏日，以清涼爽口的水茄子作開端，最為恰當。

 

可以

一客刺身套餐，一份壽司午餐盒，大家分享。不論吃什麼餐，也會先來茶碗蒸，蛋夠熱夠嫩滑，傳統地加入銀杏，大致滿意。

 

一般

一大碟的刺身奉上，還有米飯，與及味噌湯。可惜，各式各樣的刺身，水準比預期中遜色，不管白身魚或是赤身魚，很多是有筋，最愛只有辣勁不弱的明太子，以及嫩口的玉子。

 

豐富午餐盒

再來的午餐盒，分三格，有漬物加西京燒，有天婦羅，當然唔少得壽司。漬物幾開胃，尤其喜歡冬菇；西京燒銀鱈魚亦香口，富油脂香；天婦羅粉漿沒有太厚，吃起來都唔怕油淋淋；壽司可以合格，至少飯糰握得好。

 

都幾飽

起初還以為會不夠吃，但我們都是眼濶肚窄。

 

每天來一杯

靜靜呷一口咖啡，是我減壓的最佳方法。你呢?

 

餐廳資料:
見城日本料理
尖沙咀棉登徑30號地下
2369 8307